綠豆沙

昨晚的綠豆沙。

事情是這樣的。某天晚上回家，看到雪櫃有綠豆沙，媽咪便隨口問：「食唔食呀？」我當然連聲說好。然後我同媽咪一人一碗。

點知 ... ...

「點解媽咪今次失手嘅？」我心想。碗綠豆沙一啲都唔沙，仲杰到不能，仲冇綠豆味！(食神上身)

其實我真係好想即刻倒咗佢，但咁唔俾面阿媽又唔得㗎嘛。於是唯有夾硬食啦。

媽咪食完佢嗰碗，見到我「誓願」咁嘅樣，就同我講：「係咪唔想食呀？唔好味呢？幫你倒咗佢嘞。」

原來 ... ...

啲綠豆沙唔係媽咪煲嘅！係佢朋友整俾佢的。

媽咪知道我因為唔想佢唔高興而諗住夾硬食 (但又俾自己個衰樣出賣) 時，當堂笑到碌地！

Fast forward to last night. 

晚上回到家，媽咪鬼馬地跟我說：「一陣有糖水食，今次啲綠豆沙真係我整㗎！」

「好嘢好嘢！」

我媽咪真係幾識氹我㗎！